|
Taonapo machitidwe angapo omwe anapanga Barnaba kukhala mtsogoleri otumikila wamphamvu. Pomwe tikumalizitsa kuonanso moyo wake, tiona mbali Ina yomwe inapanga maziko a machitidwe ake abwinowa. Mu imodzi mwa zomwe tinatchulapo za moyo wake tinaphunzila kuti anali 'munthu wabwino.
Machitidwe a Atumwi 11
22 Mbiri imeneyi inamveka ku mpingo wa ku Yerusalemu ndipo iwo anatumiza Barnaba ku Antiokeya.
23 Atafika ndi kuona chisomo cha Mulungu pa iwo, anakondwa ndi kuwalimbikitsa anthu onsewo kuti apitirire kukhala woona mu mtima mwa Ambuye.
24 Barnabayo anali munthu wabwino, wodzazidwa ndi Mzimu Woyera ndi chikhulupiriro ndipo gulu lalikulu la anthu linabwera kwa Ambuye.
Barnaba anali "munthu wabwino," Umboni wa khalidwe lake. Khalidwe lake linali maziko omwe makhalidwe ena onse odabwitsa a moyo wake amatumphukira. Anaonetsa atsogoleri onse muutumiki kuti kutumikila ena kumayambira ndi chomwe tili.
Khalidwe limatumikira poonetsa zizindikilo za chomwe tili
Barnaba anali odzala ndi "chikhulupiliro komanso Mzimu." ichi chinali ngodya ya chomwe anali. Makhalidwe ake abwino anapeleka chizindikilo cha chomwe chinadzadza mkati mwake. Atsogoleri ena amayesetsa kusamalira chomwe anthu amaona mwaiwo ndipo amalimbikila kuti awumbe makhalidwe awo, kuwaona ngati aphimba chenicheni cha chomwe ali mkati mwawo. Koma tikafika pothina, chomwe chili mkati mwawo chimatulukila kunja mwa mau a ganyavu, mokwiya kapena kulimbila udindo Ntchito sizisonyeza khalidwe, koma zimavumbilutsa khalidwe. Atsogoleri muutumiki amaika chindunji chawo pa kuzidzadza okha ndi zinthu zoyenera. Amakhala osamala pa zomwe amawelenga, zomwe amaona,ndi zomwe amalingalira. Amazindikira kuti khalidwe lawo limapereka chizindikilo ku dziko choti iwo ndi ndani.
Khalidwe limatumikira powumba zomwe timachita
"...anali okondwa ndipo anawalimbikitsa kuti akhalebe muchoona kwa Ambuye ndi mitima yawo yonse." Pomwe Barnaba anafika pa mpingo wa ku Antiokea, anaona zomwe zinkachitika ndipo anayankha ndi kulimbikitsa. Chifukwa? Sanafune kuima ndinkuganiza kaye kuti mayankhidwe abwino akhale otani. Anangolola kuti khalidwe lake liwumbe mayankhidwe abwino. Analimbikitsa chifukwa anali mlimbikitsi. Zotsatira zamphanvu zinatsatira, "anthu ambiri anabwela Kwa Ambuye." Atsogoleri ena mosamala amaika pasikelo kuluza kapena kupindula komwe kulipo kudzela muntchito zawo ndipo amapanga ziganizo kudzela muzomwe zingapititse patsogolo kapena kuletsa zolinga za iwo Koma atsogoleri muutumiki amatipula khalidwe labwino kenaka amalola chimenecho kuti chiwumbe zomwe amachita.Amachita zomwe zili zabwino, osati zomwe zili zopeleka ntebelele. Amachita zomwe zikufunikira, osati chomwe zili zosangalatsa anthu. Khalidwe lawo limawathandiza kuika chindunji chawo pa phindu lotenga nthawi mmalo mwa mphindu la nthawi yochepa. Akhoza kudalira mopanda nkhawa pa khalidwe lawo kuti liwumbe zomwe amachita.
Khalidwe limatumikira poongolera komwe timapita
Barnaba anatumidwa ndi atsogoleri ampingo kuti akatumikire ku Antiokea. Anazindikira ubwino wa khalidwe lake motelo anatsegula makomo a maudindo ena apamwamba pa iye. Anamudalira chifukwa amadziwa khalidwe lake. Kudalira kumeneko kumatsogolera ku ntchito Ina ine yoti agwile. Atsogoleri ena amafunafuna kupita patsogolo podzilika mosamala pamodzi ndi anthu oyenela kapena kuona komwe amapita kudzela mu zotsatila za zokhumba zawo. Koma atsogoleri otumikila amatipula khalidwe lomwe limatsegula makomo Kwa Iwo ndipo limawawongolera ku njira yoyenera. Khalidwe lawo limagwira ntchito ngati chida chowazindikilitsa komwe angatumikilire bwino.
Moyo wa Barnaba tausanthula ngati yemwe anatumikilira bwino chifukwa cha chomwe Iye anali. Akubetchela atsogoleri onse muutumiki kuti azipanga khalidwe lawo ndikulolera khalidwe lawo litumphuke kuchokela mu chimenecho. |
