|
Pomwe mukupemphera, ndi zochuluka bwanji zomwe ndi kulankhula kwanu? Nthawi zambiri timaganiza za kulankhula mu pemphero, kulumikizika ndi Mulungu kudzera njira imodzi. Zoona zake ili ndi gawo la pemphero ndipo liyenera kuwirikizidwa!
Koma kamba ka gawo ili, tikufuna kulingalira pa zomwe zimatanthauza mpemphero potsatira malangizo omwe akuperekedwa mu Mlaliki 5:2, ‘Usalankhule mwanthuku mtima wako, usafulumire kunena kanthu pamaso pa Mulungu; pakuti Mulungu ali ku mwamba , iwe uli pansi; chifukwa chake mawu ako akhale owerengeka.’ Mlembi wa mawu awa akulimbikitsa ife tonse kuphunzira kudziletsa mmapemphero athu kwa Mulungu.
‘Chifukwa chake mawu ako akhale owerengeka!’ Ichi ndichoyenera makamaka kwa atsogoleri omwe nthawi yawo yambiri amalumikizana ndi mawu. Amalankhula momveka bwino, molimbamtima, komanso pafupipafupi pogawana masomphenya ndi maloto awo ndi ena. Ndi chosadabwitsa kuti mtsogoleri angadze mapaso pa Mulungu mwanjira yomweyo, ndi mawu ambiri! Chobetchera kwa atsogoleri otumikira ndi kuphunzira kutsogoleri chininu mpemphero, ndi mawu ochepa. Pomwe akupanga izi, amaphunzira mphamvu ya chinunu mpemphero.
Kukhala chete mpemphero kumaonetsera kugonja.
‘Usafulumire kunena kanthu….’ Munthu yemwe amalankhula nthawi zambiri amalamulira zokambirana. Ndi chifukwa chake ndi kovuta kwambiri kukhala chete! Munthu yemwe ali wachangu kulankhula nthawi zambiri amalamulira nyengo. Atsogoleri makamaka amafuna kukhala olamulira ndi kuwonetsera ichi polankhula, nthawi zambiri mofuula! Atsogoleri adazolowera kuwonetsera njira, kupereka malangizo ndi kuwuza ena kuchitapo kanthu. Pomwe ndi nthawi ya pemphero, atsogoleri mwachibadwidwe amafuna kuchititsa Mulungu monga momwe amachitira ndi ena- ndi mawu ambiri! Koma chete amati, ‘Ine sindikulamulira, Ine sindine bwana!’
Kukhala chete kumaonetsa machitachita ogonjera. Chosamvetsetseka nchakuti, kugonjera kumasowekera kulimba mtima kwambiri. Kumaonetsera kudalira mwa Mulungu mmalo modzidalira wekha. Atsogoleri otumikira amaonetsera kugonjera mpemphero pokhala chete pamaso pa Mulungu.
Kukhala chete mpemphero kumalimbikitsa kumvetsera.
‘Chifukwa chake mawu ako akhale owerengeka! Sitingalankhule ndi kumvetsera nthawi yomweyo. Pomwe tasiya kulankhula, timatha kumvetsera. Pomwe takhala chete, timayamba kumva phokoso lomwe lakhala lilipo kwa nthawi yaitali, koma sitimamva chifukwa tidalunjika pa zinthu zina. Pomwe mtsogoleri akhala chete ndikosavuta kumvetsera. Ndi mochuluka bwanji momwe timamumva Mulungu? Nthawi zambiri sitimamva chifukwa sitimaima ndi kumvetsera!
Atsogoleri otumikira amaphunzira kuti Mulungu nthawi zambiri amadikira kulankhula kufikira titakhala chete! Amafuna kudzipatsa okha mwambo pokhala chete ndi kumva liwu lake. Atsogoleri otumikira amaphunzira kumvetsera pokhala chete pamaso pa Mulungu.
Kukhala chete mpemphero kumalankhula malambiro.
‘Pakuti Mulungu ali ku mwamba , iwe uli pansi.’ Pamene tikhala chete, timayamba kuzindikira kuti Mulungu ndi ndani ndipo kuti ife ndife ndani. Timaona ukulu ndi mphamvu zake. Ichi chimasintha momwe timadzionera tokha ndi ntchito yathu ya utsogoleri. Kuzindikira za chomwe Mulungu ali kumadzetsa kuwona kosiyana ndipo kumatimasula ife nkuyamba kulambira Mulungu. Timagwada mkulambira. Atsogoleri otumikira amaonetsera kulambira pomwe mwakachetechete alowa mkupezeka kwake.
Nchachidziwikire, pali nthawi zambiri zomwe mawu ndi oyenera mpemphero. Yesu adapereka, ‘..mapemphero ndi mapembedzero pamodzi ndi kulira kwakukulu ndi misonzi…..’ (Ahebri 5:7). Koma ambiri a ife sitimavutika kulankhula, timavutika kukhala chete! Kukhala chete mpemphero sikophweka, ndikovuta. Atsogoleri otumikira amafuulira kwa Mulungu pofuna chisomo chake kuti chiathandize kukhala chete mpemphero. Amadzipatsa okha mwambo kutenga gawo la nthawi yawo ndi Mulungu mu chete.
Pomwe atsogoleri otumikira akukula mukugonjera ndi kuphunzira kumvetsera, amapeza kuti kukhala chete kumathandizira kukusunthira chifupi ndi Mulungu mkulambira. Ndipo pomwe akukula, amachulukitsa kuchititsa kwawo ndi omwe akuwatsogolera. Utsogoleri wa chete umalankhula mofuula mpemphero! Atsogoleri otumikira amapita pamwamba potseka pakamwa! |
