|
Atsogoleri nthawi zambiri amakakamizidwa kufufuza mbali zosiyanasiyana pa mbali zochuluka za nthawi yathu ino.
Tikukhala mu dziko lomwe limatenga mbali mu zandale, zachikhalidwe, za umoyo, zachuma, ndi zina zotero. Mbali zomwe atsogoleri amasankha kutsatila zimakhudza utsogoleri wawo ndi Iwo amene amatsatila. Pamene mtsogoleri wasankha mbali yolakwika,akhoza mwachangu kuikidwa pambali! Kodi mtsogoleri mu utumiki amasankha motani mbali yoti atsatire? Yoswa anakumana ndi munthu yemwe amapeleka thandizo kwa atsogoleri muutumiki posankha mbali.
13Pamene Yoswa anayandikira Yeriko,anayang'ana mmwamba ndipo anaona munthu mwamuna ataima kutsogolo kwake ndi lupanga mmanja mwake.Yoswa anamutsatira namufunsa ,"kodi uli mbali yathu kapena ya adani athu?" 14 "Ndilibe mbali,"Anayankha,"Koma ngati Olamulira gulu la nkhondo la Ambuye ndadza tsopano."Kenako Yoswa anagwetsa nkhope yake pansi kupereka ulemu, ndikumufunsa, "Uthenga otani umene Ambuye wanga ali nawo kwa mtumiki wake?"15 Olamula gulu la nkhondo la Ambuye anayankha nati,"Vula nsapato zako ,pakuti malo omwe waimawo ndi oyera." Ndipo Yoswa anapanga momwemo.(Yoswa 5:13-15).
Yoswa amatsogolera Anthu a Mulungu mu nkhondo yawo yoyamba. Iyi idali nthawi yovuta kwambiri. Kupambana mu nthawi imeneyi ikadakweza kwambiri mbiri yake pomwe kulephera kukadakhala chokhumudwitsa .Amafunika kuwonetsetsa kuti mbali yake ipambane! Pomwe anakumana ndi mwamuna uja ali ndi lupanga, amene ayenela kuti ndi Mngelo, Yoswa adafunsa funso mwabwinobwino,"kodi uli wa mbali yathu kapena wa mbali ya adani athu? "Kodi zomwe anaumana nazo mnthawiyi zitiphunzitsa ife chani ngati atsogoleri mu utumiki?
Atsogoleri mu utumiki amazindikira mbali yawo.
Yoswa anawona mmene zinaliri kuchokera Ku mbali yake.Ankafuna adziwe ngati munthu ameneyu anali wa kwaiye kapena otsutsana naye. "Ndiwe wa mbali yathu kapena ya adani athu? "Koma pokumana naye, anazindikira kuti pali mbali ina yomwe sanaiwone. Atsogoleri mu utumiki amazindikira kukhala Ku mbali ya Iwo okha yoganizira potenga mbali. Amazindikira kuona dziko ndi funso uli, "Kodi muli a mbali ya masomphenya anga kapena opikisana nane?" Koma kuchokera kwa Yoswa, Atsogoleri mu utumiki akuphunzira kufunika kosiya ndi kuzindikira kuti palinso mbali zina!
Atsogoleri mu utumiki amavomereza mbali ya Mulungu.
Yoswa ayenera kuti anazizwa ndi kuyankha kwa mwamuna uja,"Ndilibe mbali"anayankha," Koma ngati olamula wankulu wa nkhondo ya Ambuye ndabwera tsopano."Kuyankha uku kudasinthiratu zokambirana ndipo zidapangitsa kusintha mafunsidwe.Si lidalinso mmene lidaliri,funso la Yoswa lidasintha kuchoka pa" Ndani ali wa mbali yanga?" kupita Ku "Kodi ndili Ku mbali yoyenera?" Mulungu akuitana atsogoleri mu utumiki kusintha mfundo zawo,osati zokhoza kapena zolakwa, Koma kuti akulamula ndani? Zolinga za Ambuye ndi zoposa zolinga zathu.Mbali ya Mulungu sikhala Ku mbali iliyonse ya mtsutsano wathu. Atsogoleri mu utumiki sasokoneza chowonadi Koma amazindikira kuti maonedwe awo ndi apafupi ndipo sangafane ndi a Mulungu monga momwe amaganizira poyamba!Atsogoleri mu utumiki sathetsa masomphenya awo, amangotengera masomphenya awo Ku cholinga chachikulu. Amazindikira kuti mbali yawo si yokakamiza anthu kukhala Ku mbali yawo, Koma kutengera aliyense Ku mbali ya Mulungu. Atsogoleri mu utumiki amazindikira kuti sangapambane nkhondo yoti anthu akhale Ku mbali yawo mpaka atazitengera okha ku mbali ya Mulungu.
Atsogoleri mu utumiki amazichepetsa
Yoswa adagwetsa nkhope yake pKupita mbali yatsopano ansi! Akadabwelera kwa anthu omwe aja ndi kupitiliza kuwatsogolera Ku nkhondo ya Ku Yeriko.Koma kowonedwe kake ka zinthu kasintha.Wazindikira kuti akutsogolera pa mbali ya Mulungu, osati kupempha Mulungu kukhala mbali yake. Akadatha kulamulabe, koma ngati wokhala pansi pa ulamuliro. Sakadaitana anthu kukhala Ku"mbali yake", mmalo mwake akadaitana onse kukhala kumbali yake Ku mbali ya Mulungu. Atsogoleri mu utumiki amazichepetsa mu utsogoleri wawo kuti azindikire kuti Mulungu sali kumbali yawo; koma ali mbali ya Mulungu. Mozichepetsa amafunsa Mulungu kuti awatsogolere pa nkhani za kugawanika zomwe akukumana nazo ndi kuphunzila kuti kutenga mbali si kochuluka kwa 'ife'ndi'awo'ngati chidwi chawo ndi cha pa Mulungu!
|
