|
Mu maphunziro anayi apita tawona momwe Yesu anawonetsela machitidwe a Mtsogoleri Muutumiki. Anafotokoza masomphenya; Anathamangira kwa Cholinga Chachikulu. Anakhazikitsa Ngodya kuti ophunzira ake akweze Chotchinga. Anawonetsera mmene angamangile pa mphamvu momwe amawatuma awiri awiri. Mu izi,ndi njira zina zambiri, Yesu akuwonetsera njira yosiyana ya kutsogolera zomwe tiziwone mu machitidwe otsiliza, Malizitsa Ntchito.
1 Zitatha izi,Ambuye anasankha ena 72 ndikuwatumiza awiri awiri patsogolo pake Ku mudzi uliwonse ndi malo omwe amafuna apite. 16 "Yemwe amvera inu amvera ine ;yemwe akana inu akana one;koma iye amene akana ine akana yemwe anandituma ine."17 Ophunzira 72 wo anabwelera ndichimwemwe ndipo anati," Ambuye,ngakhale zimatigonjera mu dzina lanu." 18 Anayankha ,"Ndinawona Satana akugwa ngati mphenzi kuchokera kumwamba. 19 Ndakupatsani ulamuliro oponda pa njoka ndi zinkhanira ndikugonjetsa mphamvu zonse za m'daniyo;palibe chizakupwetekani.20 Komabe,musakondwere kuti mizimu imakugonjerani ,koma mukondwere kuti maina anu alembedwa mwamba."21 Pa nthawi imeneyi,Yesu odzala ndi chimwemwe cha mzimu,anati,"Ndikuyamikani, Atate,Ambuye wa kumwamba ndi dziko lapansi,chifukwa mwabisa zinthu izi kwa anzeru ndi ophunzira ,ndi kuziwulura kwa ana amakanda.Inde,Atate,pakuti izi ndizomwe munasangalala kuzichita.(Luka10:1,16-21).
Tingaphunzirepo chani kuchokera Ku chitsanzo cha Yesu za momwe Yesu anamalizitsira ntchito?
Atsogoleri muutumiki amakuza anthu awo.
Yesu akadatha kupanga yekha ntchito yomwe anapatsa ophunzira ake.koma amafuna kuti Iwo akule ndikukhala ndi mphamvu pawokha ngati atsogoleri.Anakhala akuwona iye akulalika,kuphunzitsa ,ndikuchiza.Tsopano,Iye amafuna kuti aphunzire kupanga pa Iwo okha.Anawatumikira powathandiza kuti akule.
Atsogoleri ena amawona gulu lawo munjira yoti angowathandiza kukwaniritsa masomphenya.Atsogoleri muutumiki amaika maso awo masomphenya, koma pansipamtima wawo amapeza njira zokuzira wina aliyense wagulu lawo.Amaika chidwi chawo pa ogwira ntchito monganso amachitira pa ntchito.
Atsogoleri muutumiki amapereka ulamuliro ndi udindo
Yesu anapereka ulamuliro ndi udindo kwa ophunzira ake. Anati,"Ndakupatsani ulamuliro.... "Yesu akadatha kusunga mphamvu zake zonse ndikuzigwiritsira ntchito Yekha.koma anachita mwadala kupereka idindo ndi ulamuliro wake kwa Otsatira ake.
Atsogoleri muutumiki salakalaka kusunga ulamuliro ndi udindo, amakhala ndi chilakolako pansi pa mtima wawo kuti apereke kugulu lomwe akukuza.Amazindikira kuti izi sizimangothandizira gulu lawo kukula ndi kutukuka komanso amakonzekeretsa magulu awo za mtsogolo.
Atsogoleri muutumiki amakonzekera kupambana kwamtsogolo
Yesu samangotumiza kokha gulu lake pa ntchito yanthawi yomweyo.Amapanga mwadala ndi mwandondomeko ,kuwakonzekeretsa kuzatsogolera iye atapita. Anali ndi cholinga chomwe chimafunika kutula ntchito kwa ena omwe amatsatira. Ndipo anali "odzala ndi chimwemwe" mmene amawona zikutheka!
Atsogoleri ambiri amalimbika kugwira ntchito kuti zolinga zawo zikwaniritsidwe koma osaganizira kwenikweni zomwe zizachitike pamene Iwo apita.Atsogoleri muutumiki amayamba ndikuchoka kwawo pamtima pawo ndipo amamanga magulu omwe azapitilize kuti cholinga chawo chachikulu chizapite patali mtsogolo.
Yesu akuwonetsa atsogoleri kulikonse mmwene machitidwe a utsogoleri angasinthire.Ndipo akuwonetsera kuti Utsogoleri Muutumiki umatheka ndithu- - Gulu Lake likupitirizabe cholinga chake zaka 2000 zakwana pano! |
