|
Imodzi mwa njira zopambana zomwe Barnaba anatumikilira mpingo oyamba inali kupezeka kwake basi. Kwa nthawi zingapo nkhani yake muli zitsanzo zomwe anatumizidwa ndi atsogoleri a mpingo kuti akwanilitse cholinga chapadela kumpingo watsopano wa ku Antiokea.
Machitidwe a Atumwi 11
22 Mbiri imeneyi inamveka ku mpingo wa ku Yerusalemu ndipo iwo anatumiza Barnaba ku Antiokeya. Kenako Barnaba anatumidwa kuti akapeleke mphatso ya ndalama.
Machitidwe a Atumwi 11
29 Ophunzirawo, aliyense monga mwakupata kwake, anatsimikiza kuthandiza abale okhala ku Yudeya. 30 Izi anazichitadi ndipo anatuma Barnaba ndi Saulo kukapereka mphatsozo kwa akulu a mpingo. Panthawi ina, monga taona kale, anatumidwa ndi Paulo pa ulendo oyamba okadzala mpingo.
Machitidwe a Atumwi 13
3 Ndipo atasala kudya ndi kupemphera anasanjika manja awo pa iwo nawatumiza. Pomwe oyendetsa madongosolo a mpingo adakumana kuti apange chisankho cha yemwe atumizidwe, Barnaba anasankhidwa pamodzi ndi ena, kukapereka zomwe anagwirizana ku mipingo ya anthu amitundu Ina.
Machitidwe a Atumwi 15
22 Pamenepo atumwi ndi akulu ampingo, pamodzi ndi mpingo onse, anagwirizana zosankha anthu ena pakati pawo kuti awatume ku Antiokeya pamodzi ndi Paulo ndi Bamaba. Iwo anasankha Yudasi, wotchedwa Barsaba ndi Sila, anthu awiri amene anali atsogoleri pakati pa abale, Kawilikawili timaganiza kuti ndi amene amayang'ana anthu oti awatume kukawalimbikitsa ntchito. Koma Barnaba akutionetsa kuti atsogoleri muutumiki amapezeka kuti atumidwe. Mmene Iye analiri anali opezeka pomwe wafunikira ndi komwe wafunikira. Atsogoleri muutumiki amaphunzila kuchokela ku chitsanzo chake momwe angatumikilire pokhala opezeka.
Kupezeka kumatumikila ena posiya mapulogalamu ako
Barnaba anali opezeka kuti atumidwe ndi kumangotumidwabe kuti atumikire ena. Anapereka mphatso yamtengo wapatali ya mtsogoleri, nthawi! Akuyenela kuti anali ndi zake zoti achite asanatumidwe, koma anazisiya zimenezo kuti cholinga cha gulu chikwanilitsidwe. Atsogoleri muutumiki amayang'anira nthawi yawo mosamala koma amaphunzila kuchokela kwa Barnaba kuti asagwilitse nthawi yawo modzikonda. Amakhala ofuna kusiya mapulogalamu awo kuti chosowa Cha wina chikwanilitsidwe. Sakhumudwa kapena kunyozeka potumidwa. Amatumikira popezeka kwawo.
Kupezeka kumatumikila ena popereka zomwe zimakubweletsela phindu
Barnaba anali opezeka Kutumikira ndi mphatso komanso maluso omwe anabweretsa kugulu. Anali olimbikitsa ndipo anatumizidwa kukalimbikitsa. Anali wanzeru,ndipo anatumidwa kukapereka uthenga ofunikila. Anali odalirika, ndipo anatumizidwa kuti akalongosole bwino zokhuza ndalama. Anali wamaluso apamwamba ngati mtsogoleri, koma mwakufuna kwake amapereka mphatso zake kuti zikhalepo ndicholinga chotumikira gulu. Atsogoleri muutumiki amabweletsa mphatso zawo kuti zitumikire gulu, osati ndicholinga choti atamandidwe. Amapanga mphatso zawo kupezeka mmene zikufunikira ndi cholinga. Amatumikira pokhala opezeka.
|
